ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

UEFA ប្រកាសប្រទេសទទួលសិទ្ធិជាម្ចាស់ផ្ទះជើងឯកស្រ្តីទ្វីបអឺរ៉ុប ឆ្នាំ២០២៥

  • ចុះផ្សាយថ្ងៃទី០៦ ខែមេសា ឆ្នាំ២០២៣ ម៉ោង ២១:៤០ នាទី ដោយ Mesa
  • 1556
  Aa |   aA

អឺរ៉ុប៖ បើតាមសេចក្តីប្រកាសព័ត៌៌មានជាផ្លូវការរបស់ UEFA បានឱ្យដឹងថា ​ប្រទេសស្វីសនឹងក្លាយទៅជាម្ចាស់ផ្ទះនៃព្រឹត្តិការណ៍ប្រកួតជើងឯកស្រ្តីទ្វីបអឺរ៉ុប ឬ Women's European Championship នាឆ្នាំ២០២៥ខាងមុខនេះ។ 

គួរបញ្ជាក់ថា ប្រទេសស្វីសបានទទួលសិទ្ធិរៀបចំការប្រកួតព្រឹត្តិការណ៍បាល់ទាត់កម្រិតធំរបស់ខ្លួនកាលពីឆ្នាំ២០០៨កន្លងទៅ​ ដោយកាលណោះស្វីសបានទទួលរៀបចំជាម្ចាស់ផ្ទះព្រឹត្តិការណ៍ជើងឯកទ្វីបអឺរ៉ុប ឬ UEFA Euro ២០០៨ រួមគ្នាជាមួយប្រទេសក្បែរខាងគឺអូទ្រីស។ 

នៅក្នុងសេចក្តីប្រកាសព័ត៌មានជាផ្លូវការមួយ លោក Dominique Blanc ប្រធានសហព័ន្ធបាល់ទាត់ស្វីសនិយាយថា នេះគឺជាប្រវត្តិសាស្រ្តមួយសម្រាប់ប្រទេសស្វីស វិស័យបាល់ទាត់ រួមជាមួយបាល់ទាត់ស្រ្តី។ ជំហាដ៏ធំមួយនេះ​នឹង​បង្ហាញ​ពី​ការ​អភិវឌ្ឍ​បាល់ទាត់​នារី​គ្រប់​កម្រិតរបស់ស្វីស។ សហព័ន្ធបាល់ទាត់ស្វីសបញ្ជាក់ថា កិច្ចការងារបន្ទាប់គឺការរៀបចំក្រុមការងារមួយដើម្បីសម្របសម្រួលជាមួយ UEFA ជាពិសេសគឺការចុះពិនិត្យទីតាំងប្រកួតដែលគ្រោងធ្វើឡើងនៅខែមេសា និងខែឧសភានេះតែម្តង។

សហព័ន្ធបាល់ទាត់ស្វីសបានឱ្យដឹងថា ការប្រកួតទំនងជានឹងអាចរៀបចំឡើងរយៈពេល ៤សប្តាហ៍ នាអំឡុងខែមិថុនា ដល់ខែកក្កដា ឆ្នាំ២០២៥ នៅតាមបណ្ដាទីក្រុងមួយចំនួនដែលបានគ្រោងទុករួមមាន ទីក្រុង Basel, Bern, Geneva, Zurich, St. Gallen, Sion, Lucerne និងទីក្រុង Thun។ គួរឱ្យដឹងផងដែរថា កាលពីខែតុលាកន្លងទៅ UEFA បានទទួលសំណើរដេញថ្លៃជាម្ចាស់់ផ្ទះព្រឹត្តិការណ៍ Women's European Championship ពីប្រទេសបារាំង និងប៉ូឡូញផងដែរ។ 

កាលពីព្រឹត្តិការណ៍មុនដែលបានធ្វើឡើងនៅទឹកដីអង់គ្លេស ម្ចាស់ផ្ទះតោកំណាចនារីអង់គ្លេសបានគ្រងជើងឯកក្រោយយកឈ្នះអាល្លឺម៉ង់ នាវគ្គផ្តាច់ព្រ័ត្រនាកីឡដ្ឋាន Wembley៕



ព័ត៌មានជាច្រើនទៀតសម្រាប់អ្នក